რუსეთმა აშშ-ის სანქციების პასუხად გამდიდრებული ურანის ექსპორტზე დროებითი შეზღუდვა დააწესა
რუსეთმა ამერიკის შეერთებულ შტატებში გამდიდრებული ურანის ექსპორტზე დროებითი შეზღუდვა დააწესა.
რუსეთის მთავრობის წერილობით განცხადებაში ნათქვამია, რომ შეერთებულმა შტატებმა რუსეთში გამდიდრებული ურანის იმპორტზე შეზღუდვები დააწესა.
სამთავრობო ვებსაიტზე განმარტავენ, რომ შეზღუდვები შემოღებულია რუსეთის პრეზიდენტის ვლადიმერ პუტინის დავალებით, როგორც შეერთებული შტატების მიერ 2024-2027 წლებში დაწესებულ შეზღუდვებზე პასუხი.
განცხადებაში აღნიშნულია, რომ მსგავსი გადაწყვეტილება რუსეთმა ამ ნაბიჯთან დაკავშირებით მიიღო.
„რუსეთის მთავრობამ შემოიღო დროებითი შეზღუდვები აშშ-ში გამდიდრებული ურანის ექსპორტზე“, - აღნიშნულია განცხადებაში.
რუსეთის ფედერაციის მთავრობა განმარტავს, რომ გამონაკლისი არის მიწოდება, რომელიც განხორციელდება ტექნიკური და ექსპორტის კონტროლის ფედერალური სამსახურის მიერ გაცემული ერთჯერადი ლიცენზიების ფარგლებში.
11 სექტემბერს რუსეთის პრეზიდენტმა ვლადიმერ პუტინმა განაცხადა, რომ რუსეთის წინააღმდეგ დაწესებული სანქციების საპასუხოდ, შესაძლოა გარკვეული შეზღუდვები იქნეს შემოღებული ისეთი პროდუქტების მიწოდებაზე, როგორიცაა ურანი, ტიტანი და ნიკელი.
