არ დავემორჩილებით პუტინის შანტაჟს, ზამთარში არავინ გაიყინება - ავსტრიის კანცლერი
ავსტრიის კანცლერი, კარლ ნეჰამერი „გაზპრომის“ მიერ ავსტრიისთვის გაზის შეწყვეტის გადაწყვეტილებას ეხმაურება.
ნეჰამერმა მედიასთან დაადასტურა რომ ავსტრიულმა კომპანია OMV-მა გაზის მიწოდების შეწყვეტის შესახებ „გაზპრომიდან“ შეტყობინება მიიღო.
„ეს ნიშნავს იმას, რომ მოხდა ის, რისთვისაც უკრაინაში ომის დაწყებიდან ვემზადებით. ჩვენ ასევე ვაჩვენებთ, რომ არ დავემორჩილებით პუტინის შანტაჟს“, – აღნიშნა კანცლერმა.
ნეჰამერმა განაცხადა, რომ ქვეყანას აქვს სხვა წყაროების გაზის მისაღებად, ხოლო ამჟამად რეზერვების 93%-ია შევსებული, რაც ავსტრიას მთელი წელი ეყოფა.
„შემიძლია დაგპირდეთ, რომ ზამთარში არავინ გაიყინება“, – აღნიშნა ნეჰამერმა.
