"ერთიანი ნაციონალური მოძრაობის" თავმჯდომარის ასარჩევად ელექტრონული ხმის მიცემა დაიწყო
ელექტრონული ხმის მიცემა "ერთიანი ნაციონალური მოძრაობის" თავმჯდომარის ასარჩევად დაიწყო.
არჩევანის გაკეთება ნებისმიერ მსურველს შეეძლება. მხარდამჭერები და დაინტერესებული პირები არჩევანს ორ კანდიდატს - ნიკა მელიასა და ლევან ვარშალომიძეს შორის გააკეთებენ. ხმის მიცემის პროცედურა 25 დეკემბერს შეწყდება. გამარჯვებულ კანდიდატს კი ლეგიტიმაციას ყრილობის დელეგატები მისცემენ.
შეგახსენებთ, რომ გუშინ პარტიის პოლიტიკურმა საბჭომ, ფარული ხმის მიცემით თავმჯდომარეობის 2 კანდიდატი გამოავლინა.
წყარო:newpost.ge
