ივანიშვილი ქვეყანას არასოდეს მართავდა - ჩერგოლეიშვილი ივანიშვილის პოლიტიკიდან წასვლაზე
ჟურნალ “ტაბულას” დამფუძნებელი, თამარ ჩერგოლეიშვილი, ბიძინა ივანიშვილის პოლიტიკიდან წასვლას ეხმიანება.
"ივანიშვილი ქვეყანას არასოდეს მართავდა.
ამ ქვეყანას არავინ მართავს უკვე 8 წელია და ქაოსიც მაგის ბრალია.
ივანიშვილს ქვეყანაზე ჰქონდა და აქვს უპრეცედენტო კონტროლი და ექნება მანამ, სანამ მისი მარიონეტების გუნდი "მართავს" ქვეყანას.
არ არსებობს ეს ხალხი ბიძინა ივანიშვილის გარეშე - ფიზიკურად წარმოუდგენელია მათი არსებობა ივანიშვილის გარეშე, ზუსტად ისე, როგორც undead-ების არმია ვერ იცხოვრებს night king-ის გარეშე.
გახარიას ძალაუფლება არ არსებობს - არ არსებობს ეგეთი რამე ბუნებაში.
ივანიშვილს რა მოტივაცია აქვს უმნიშვნელოა - მე არ გამოვრიცხავ, რომ 65 წლის გახდა ეს საბჭოთა კაცი და თვლის რომ სავალდებულო პენსია ეკუთვნის.
ფაქტი ისაა, რომ ვისაც ტოვებს, ის ხალხი ივანიშვილის გარეშე არ არსებობს", - წერს თამარ ჩერგოლეიშვილი სოციალურ ქსელში.
