რა ღირს „ოცნების“ ლიდერების რჩეული, ერთნაირი ფეხსაცმელები?
16 იანვარს, პარტია „ქართული ოცნების“ ყრილობაზე მიღებულ პოლიტიკურ გადაწყვეტილებებზე მეტად, სოციალურ ქსელში ყურადღება პარტიის ლიდერების ფეხსაცმელებმა მიიქცია. დაკვირვებულ თვალს არ გამოჰპარვია, რომ კახა კალაძეს და ირაკლი კობახიძეს ერთმანეთის მსგავსი ფეხსაცმელები ეცვათ.
აღნიშნულ თემაზე ბევრი სახალისო პოსტი და კომენტარი დაიწერა. ზოგი ხუმრობით წერდა რომ გახარია აზრზე არ არის, მოდას ჩამორჩა და კობახიძე-კალაძისგან განსხვავებით უგემოვნო ტუფლები აცვია.
ანალოგიური სტილის ფეხსაცმელი აქვს „ქართული ოცნების“ კიდევ ერთ წარმოამდგენელს, ლევან კობიაშვილსაც:
როგორც ირკვევა, მმართველი გუნდის პოლიტიკოსთა რჩეული ფეხსაცმელები იტალიაშია დამზადებული და კომპანიის, Loro Piana-ს ნამუშავარია.
კომპანიის ოფიციალურ ვებგვერდზე ასეთი ფეხსაცმელის ფასი 760 ევროა, რაც დღევანდელი კურსით დაახლოებით, 3 040 ლარია.
როგორც ბრენდის ვებგვერდზე ფეხსაცმლის აღწერაში ვკითხულობთ, ის წყალგაუმტარი, ე.წ. ზამშის მასალისგანაა დამზადებული და ისეა შეკერილი, რომ მომხმარებელს მაქსიმალურ კომფორტს უქმნის.
digest.pia.ge
