ქალი დედის ცხედარს საყინულეში 10 წლის განმავლობაში მალავდა - დამნაშავე დაკავებულია
იაპონიის დედაქალაქ ტოკიოში პოლიციამ დააკავა ქალი, რომელიც საკუთარი დედის ცხედარს 10 წლის განმავლობაში ბინაში, მაცივარში მალავდა. ამის შესახებ BBC წერს.
48 წლის იუმი იოშინოს თქმით, დედამისის ცხედარ 10 წლის განმავლობაში იმიტომ ინახავდა, რომ ტოკიოში მდებარე ბინიდან გასვლა არ უნდოდა.
პოლიციის ინფორმაციით, გარდაცვალების ზუსტი მიზეზი უცნობია. მათივე ცნობით, ზედაპირული დათვალიერებით ცხედარზე ჭრილობები არ აღინიშნება. ქალის გარდაცვალების ზუსტი დროც ჯერ-ჯერობით დადგენილი არა არის.
ცხედარი დამლაგებელმა აღმოაჩინა მას შემდეგ, რაც გარდაცვლილის შვილი გადასახადების გადაუხდელობის გამო ბინიდან გაასახლეს. მოგვიანებით ქალი პოლიციამ დააკავა.
