უკრაინაში ერთ-ერთ სოფელს ნიუ-იორკს დაარქმევენ
დონეცკის ოლქის სოფელ ნოვგოროდსკოეს ნიუ-იორკს დაარქმევენ. ამის შესახებ უკრაინული მედია იტყობინება.
ადგილობრივთა ინიციატივას უმაღლესი რადის რეგიონალური განვითარების კომიტეტმა მხარი უკვე დაუჭირა. აღსანიშნავია, რომ 1951 წლამდე სოფელს ნიუ-იორკი ერქვა. ის გერმანელმა პროტესტანტებმა ააშენეს, რომლებიც დონეცკში მე-19 საუკუნეში დასახლდნენ.
სოფელში 10 ათასამდე ადამიანი ცხოვრობს.
