სომხეთში მაგნიტუდის 5.2 მიწისძვრა მოხდა
სომხეთში, საქართველოს საზღვრიდან 81 კილომეტრში ძლიერი მიწისძვრა მოხდა. დედამიწის შემსწავლელ მეცნიერებათა ინსტიტუტისა და სეისმური მონიტორინგის ეროვნული ცენტრის ინფორმაციით, მიწისძვრის სიმძლავრე 5.2 მაგნიტუდას შეადგენდა.
მიწისქვეშა ბიძგები გრინვიჩის დროით 15:36:09 საათზე დაფიქსირდა.
გარდა ამისა, რამდენიმე წუთში, სომხეთში კიდევ ორი მიწისძვრა მოხდა.
ნგრევისა და დაშავებულთა შესახებ ინფორმაცია არ ვრცელდება.