მსოფლიოში კორონავირუსით ინფიცირებულთა რაოდენობამ 106 მილიონს გადააჭარბა
მსოფლიოში კორონავირუსით ინფიცირებულების საერთო რაოდენობამ 106 მილიონს გადააჭარბა. worldometers.info-ზე არსებული მონაცემებით, ამ დროისთვის გლობალურად ინფიცირებულია 106 004 046 ადამიანი.
ყველაზე რთული ვიტარება აშშ-შია, სადაც ახალი კორონავირუსით ინფიცირებულია 27 407 324 ადამიანი, ხოლო გარდაცვლილია 470 705 პაციენტი.
აშშ-ს მოსდევს ინდოეთი, ბრაზილია და რუსეთი.
ჯამში, მსოფლიოში covid-19-ს 2 311 015 ადამიანის სიცოცხლე ემსხვერპლა, გამოჯანმრთელებულია 77 788 682 პაციენტი.