სტიქია ინდოეთში - უგზო-უკვლოდ დაკარგულია 150 ადამიანი
ინდოეთის შტატ უტარაკჰანდში მყინვარის დნობით გამოწვეული წყალდიდობის შედეგად 150 ადამიანი უგზო-უკვლოდ დაიკარგა.
მაშველები დაკარგულ მუშებს ეძებენ, რომლებიც აღნიშნულ ტერიტორიაზე ელექტროენერგიის პროექტზე მუშაობდნენ.
ამ დროისათვის, 3 ადამიანის ცხედარია ნაპოვნი. ადგილზე სამძებრო-სამაშველო ოპერაციები მიმდინარეობს.
სასაზღვრო საპატრულო ძალების ოფიციალურმა წარმომადგენელმა განაცხადა, რომ მდინარის ნაპირთან არსებული საცხოვრებელი სახლები განადგურებულია.
