სტამბოლში ძლიერმა ქარიშხალმა ხეები მოგლიჯა და შენობების სახურავები დააზიანა
თურქეთის უდიდეს ქალაქს სტამბოლს დღეს დილით ძლიერი ქარიშხალი დაატყდა თავს, - ამის შესახებ ინფორმაციას ადგილობრივი მედია ავრცელებს.
მათივე ინფორმაციით, ქარიშხალმა მოგლიჯა ხეები და დააზიანა შენობების სახურავები. ერთ-ერთი მოგლეჯილი ხე ავტომობილს დაეცა. ინციდენტის შედეგად არავინ დაშავებულა.
ძლიერი ქარის გამო ქალაქში საბორნე გადაზიდვები შეჩერდა.
სტამბოლის საზღვაო და ავტობუსების კომპანიაში აცხადებენ, რომ ქარიშხლის გამო ზოგიერთი სერვისი გაუქმდა.
