პანდემიის გამო, Heineken-ის 8 ათასამდე თანამშრომელი უმუშევარი რჩება
ლუდის მწარმოებელმა კომპანიამ Heineken-მა გაავრცელა განცხადება, რომლის მიხედვითაც, სამუშაო ადგილებს თითქმის 10%-ით შეამცირებენ, - ამის შესახებ BBC წერს.
კომპანია გადაწყვეტილებას ახალი კორონავირუსის პანდემიის გამო, მკვეთრად შემცირებული გაყიდვებით ხსნის. ჯამში, 8 ათასამდე თანამშრომელს მოუწევს სამუშაო ადგილის დატოვება. გათავისუფლებულ თანამშრომლებს შორის იქნებიან ამსტერდამში, სათაო ოფისში დასაქმებული ადამიანებიც.
კომპანიის აღმასრულებელი დირექტორის განცხადებით, 2020 წელი მათთვის „არნახულად დამანგრეველი“ იყო. კოვიდპანდემიის პირობებში, Heineken-ს მსოფლიოს არაერთ ქვეყანაში მოუწია ბარების დახურვა.
