დღეს ჩინური ახალი წელია - შეხვდით 2021 წლის სიმდიდრის ღვთაებას

ჩინეთში ერთ-ერთი ყველაზე გავლენიან და პოპულარულ ღვთაებას ცაი შენ იე - 2021 წელს 11-12 თებერვლის ღამეს ხვდებიან. ჩინური ახალი წელი (მთვარის კალენდრით) პირდაპირ თარგმანში "გაზაფხულის დღესასწაულს" ნიშნავს, რომელიც აღმოსავლეთის ქვეყნებში მთავარი და ყველაზე ხანგრძლივი დღესასწაულია.

ითვლება, რომ მთვარის კალენდრით ახალი წლის შემდეგ პირველ ორ კვირას მაგიური გავლენა აქვს. სიმდიდრის ღვთების კეთილგანწყობის მოსაპოვებლად, ამ პერიოდში ლოცულობენ და სხვადასხვა რიტუალებს ატარებენ.

ეს ძლევამოსილი ღვთაება განაგებს ყველა ამქვეყნიურ სიმდიდრეს, მოაქვს იღბალი, ბედნიერება და უბედურებებისგან იცავს. ის იმდენად კეთილგანწყობილია, რომ ყველა ლოცვას და თხოვნას პასუხობს, თაყვანისმცემლებს კეთილი ჯადოქარივით ასრლებს სურვილებს.

ფენ შუი - წარმატების ბილიკები გვთავაზობს რეკომენდაციებს, თუ რა უნდა გააკეთოთ დღევანდელ დღეს.

ყველამ, ვისაც სიმდიდრის ღვთაებისგან ფინანსური მხარდაჭრის მიღება სურს, მისი დახვედრის რიტუალი უნდა ჩაატაროს. ამისათვის ყველაზე ხელსაყრელია თქვენი დროით 23:00 – 01:00 სთ.

2021 წელს სიმდიდრის ღვთაება აღმოსავლეთიდან მოდის. რიტუალისთვის გამოსახულებას, ან სტატუეტს განათავსებთ ზურგით აღმოსავლეთისკენ, შესაბამისად სახით დასავლეთისკენ. (შეგიძლიათ გამოსახულება ტელეფონის, ან კომპიუტერის ეკრანზე დააყენოთ და საჭირო მიმართულებით განათავსოთ)

‼️მნიშვნელოვანია! მამლის და კურღლის წელში დაბადებულები რიტუალს არ ატარებენ, რათა ენერგიის კონფლიქტი არ გამოიწვიონ. უბრალოდ დადექით ზურგით აღმოსავლეთისკენ, მიესალმეთ, მადლობა გადაუხადეთ და სურვილები ჩაუთქვით.

მნიშვნელობა იმაში მდგომარეობს, რომ სიმდიდრის ღვთაება მოემართება აღმოსავლეთი-დასავლეთის ღერძის გასწვრივ. აღმოსავლეთით მდებარეობს კურდღლის ნიშანი, დასავლეთით - მამლის. ითვლება, რომ ღვთაებამ თავისი კეთილგანწყობა სიმდიდრის სახით უკვე მიანიჭა ამ ნიშნებს, ამიტომ მიზანშეწონილი არ არის ამ ენერგიის განმტკიცება, რადგან ამან შეიძლება საპირისპირო შედეგი გამოიღოს. შეგიძლიათ უბრალოდ გეგმები ჩაიწეროთ და მათი ვიზუალიზაცია მოახდინოთ.

რიტუალისთვის 23:00 სთ. მიიღეთ შხაპი, სიმბოლურად, განვლილი წლის უსიამოვნებებისა და პრობლემებისგან გასაწმენდად. სუფთად და ლამაზად გამოწეყვეთ. აღმოსავლეთ სექტორში გაამზადეთ მაგიდა, გადააფარეთ მაგიდის გადასაფარებელი, დადგით სიმდიდრის ღვთაების გამოსახულება/სტატუეტი (ზურგით აღმოსავლეთისკენ), დააწყვეთ ხილი, ტკბილეული, თხილი, ვეგეტარიანული საკვები, უმი ბრინჯი, მწვანე ჩაი, თეთრი ღვინო. ყველაფერი თქვენი შეხედულებისამებრ, ზედმეტი ფანატიზმის გარეშე (ამ საკვების მირთმევა არ შეიძლება, ხვალ ან ჩიტებს უნდა აჭამოთ, ან გადაყაროთ). აანთეთ სანთელი და სურნელოვანი ჩხირები თქვენი საყვარელი არომატით, ან საკმეველი. იქვე დააწყვეთ სიმდიდრის სიმბოლოები, გახსნილი საფულე, სამკაული.

რიტუალი:/b] 23:40 სთ. დაჯექით მშვიდად, გონებრივად მიმართეთ ღვთიურ ძალებს თქვენში და კურთხევა სთხოვეთ. ფურცელზე დაწერეთ სურვილი, ერთ ფურცელზე ერთი სურვილი, არაუმეტეს 8 სურვილისა. აქვე მიუთითეთ თქვენი სახელი, გვარი, ასაკი და მისამართი.

[b]მნიშვნელოვანია! სხვის მაგივრად სურვილის დაწერა არ შეიძლება. ოჯახის წევრებს შეუძლიათ თავისთვის დაწერონ.

შემდეგ სიტყვიერად მოიპატიჟეთ სიმდიდრის ღვთაება, თქვენი სიტყვებით მოიხმეთ სამყაროს დახმარება.

შეგიძლიათ ასე: „მე (სახელი, გვარი) ვესალმები სიმდიდრის ღვთაებას! ვაღებ კარს ჩემს სახლში სიუხვისა და კეთილდღეობის ენერგიებისთვის (თქვით მისამართი), მაღალ ძალებს ვთხოვ მხარი დამიჭირონ, დამიცვან და სწორი მოქმედებებისკენ მიმმართონ ჩემს საკეთილდღეოდ და ჩემი სურვილების ასრულებისთვის!“

წარმოთქვით სურვილების 3-ჯერ. თუ აღმოსავლეთ სექტორში ფანჯარა გაქვთ ცოტა ხნით გამოაღეთ.

ფურცლები, სადაც სურვილები წერია დაწვით, განწყობით, რომ აუცილებლად შესრულდება. ფერფლი ნიავს გაატანეთ. მადლობა გადაუხადეთ სამყაროს თანადგომისთვის.

მაგიდაზე დაწყობილი სანოვაგე დატოვეთ 24 საათი (მისი ჭამა არ შეიძლება, მიეცით ჩიტებს, ან გადაყარეთ).

სიმდიდრის ღმერთი არ ნიშნავს ღვთაებას ჩვენი გაგებით და რელიგიასთან არანაირი კავშირი არ აქვს! სინამდვილეში ეს არის ჩვენი ურთიერთობა სამყაროსთან.
მთავარია თქვენი განწყობა, რწმენა და წარმოსახვა!

ყველა კეთილი სურვილის ასრულებას გისურვებთ!