ყველაზე წარმატებული წელი - როგორ იმოქმედებს ჩვენზე შვიდი პლანეტის შეერთება მერწყულის ნიშანში

2021 წლის თებერვალში შვიდი პლანეტა (მზე, მთვარე, მერკური, ვენერა, იუპიტერი და სატურნი, ასევე ასტეროიდი პალასი) მერწყულის ნიშანში გაერთიანდება და ე.წ სტელიუმს შექმნის (სამი ან მეტი პლანეტის შეერთება) ასტროლოგიაში.

ამ ძლიერი პლანეტების მეგობრობა პროგრესული და წინგადადგმული საჰაერო ნიშნით გვპირდება დატვირთულ პერიოდს, რომელიც სავსეა არაპროგნოზირებადი, მაგრამ სასიამოვნო მოვლენებით. პროგრესულ და შორსმჭვრეტელ ნიშანთან ძლიერი პლანეტების მეგობრობა საინტერესო პერიოდს გვპირდება, რომელიც სავსეა არაპროგნოზირებადი, მაგრამ სასიამოვნო მოვლენებით.

რატომ იქნება ეს წელი წარმატებული და რა უნდა გაკეთდეს ამისათვის?
თითოეულ ზემოთხსენებულ პლანეტას თავისი, მძლავრი ენერგეტიკული ველი აქვს. ერთ ნიშანში გაერთიანებით ისინი ენერგიებს აერთიანებენ და როგორც ერთი სინგულარული ძალა მოქმედებენ. ეს უდიდესი ციური მოვლენა შეიძლება ძლიერ აფეთქებას შევადაროთ და სიმბოლურია, რომ სწორედ მასთან ერთად დაიწყო თეთრი ხარის წელი - წელი, რომელზეც დამქანცველი 2020 წლის შემდეგ ბევრ ჩვენგან დიდ იმედებს ამყარებს.

ამ პერიოდში ჩვენზე ასევე იმოქმედებს კიდევ ერთი ასტრონომიული ფენომენი - რეტროგრადული მერკური. მზესთან ყველაზე ახლოს მყოფმა პლანეტამ 30 იანვარს კიდევ ერთხელ დაიწყო მოძრაობა საპირისპირო მიმართულებით და ეს 20 თებერვლამდე გაგრძელდება. ამჯერად, ის მერწყულის თანავარსკვლავედში გაივლის.

ზოდიაქოს ეს ნიშანი პასუხისმგებელია მეგობრობაზე, თანამშრომლობაზე და სამომავლო ტექნოლოგიებზე. ამიტომ, სრულიად განსხვავებული ენერგიის მქონე კოსმოსურ სხეულებს შორის მის შესაბამისობას შეიძლება მოულოდნელი შედეგები მოჰყვეს. ეს განსაკუთრებით სოციალურ ურთიერთობებს ეხება. თუ ფრთხილად და წინდახედულად ვიმოქმედებთ, შეიძლება თავიდან ავიცილოთ უთანხმოება და გაუგებრობა როგორც სამსახურში, ისე სხვა სოციალურ ჯგუფებში, რომელთა მონაწილეებიც ვართ. ჩვენი წინდახედულება დაუფასებელი არ დარჩება.

მერწყულის გავლენით თებერვლიდან პრობლემის მოგვარებას ლოგიკის თვალსაზრისით მივუდგებით, ემოციურ იმპულსებს შევამცირებთ და სოციალური კავშირების განმტკიცებას დავიწყებთ. მერკურიც მსგავს საქმიანობას უკავშირდება. რეტროგრადულ პირობებშიც კი ის დადებითად იმოქმედებს ურთიერთობაზე და ყველაფერზე, რაც ინფორმაციის გაცვლასთან არის დაკავშირებული.

ამ თვეში მერწყული ენერგიის ინტენსიური შემოდინება ჩვენს ყურადღებას ჰუმანიტარულ საკითხებზე, ტექნოლოგიურ მიღწევებსა და არატრადიციულ ინოვაციებზე გადაიტანს. სწორედ ეს თემები განსაზღვრავს ჩვენი საზოგადოების სტრუქტურას 2021 წლის და შემდეგი წლების განმავლობაში.

ცოტა რამ მერკურსა და იუპიტერზე
ამ ორ პლანეტას ბევრი საერთო აქვს. ორივე განასახიერებს ჭკუას, ინტელექტს, სიმწიფეს, დახვეწილობას და სიმშვიდეს. ადამიანები, რომელთა ჰოროსკოპში მერკური და იუპიტერი ერთიანდება, უკეთ ერკვევიან კლასიკურ მწერლობაში და ხელოვნებაში.

ისინი ადვილად ახერხებენ ისარგებლონ ინტელექტის (მერკური) და სიბრძნის (იუპიტერი) კომბინაციით. ასეთ ადამიანებს შორის ბევრია დიდი მოცეკვავე და მუსიკოსი. ამ პლანეტების კავშირის კიდევ ერთი ბონუსია სიმდიდრე, წარმატება და დიდება.

მოკლედ მთავარის შესახებ
ყველაფერი, რაც ახლა მერწყულის თანავარსკვლავედში ხდება - ექვსი პლანეტის სტელიუმი და რეტროგრადული მერკური საშუალებას გვაძლევს დარწმუნებით განვაცხადოთ, რომ საუკეთესო წელი გველის. უფრო მეტიც, მერკურისა და იუპიტერის მერწყულის ნიშანთან კავშირი ზოდიაქოს ყველა ნიშანს პოზიტივს და წარმატებას პირდება.