ბუბა კიკაბიძემ ანზორ მელიას პირდაპირ ეთერში უმღერა
ბუბა კიკაბიძემ "ნაციონალური მოძრაობის" თავმჯდომარის ნიკა მელიას მამას პირდაპირ ეთერში, სატელეფონო ჩართვისას უმღერა. ანზრო მელია "მთავარის" ეთერში შვილის დაკავების დღეს იხსენებდა, როდესაც კიკაბიძე ჩაერთო.
"ბატონო ანზორ, ბედნიერი კაცი ხართ, რადგან კარგი ბიჭი გაზარდეთ. მაგაზე არ ინერვიულოთ, ოჯახში არავინ ინერვიულოთ. მე შვილიშვილის შვილი მყავს და იმდღეს მითხრა, ბუბა, შენ ხომ უყვარხარ ყველასო?
წადიო და პარლამენტის დირექტორს სთხოვე, ნიკა გამოუშვასო. მინდა ვუსურვო ბატონ ანზროს მოესწროს პატარა ბიჭის (ნიკა მელიას შვილის) გაზრდას. იმ დღეს მე ვიყავი ნიკას სანახავად და ჩავეხუტე მას. ასე ახლოს არასოდეს მინახავს ის. თუ უფლებას მომცემთ ერთს წაგიღიღინებთ" - მიმართა კიკაბიძემ მელიას, რის შემდეგაც უმღერა.
ამ მომენტმა ინტერნეტმხმარებელს ფილმი მიმინო გაახსენა, როცა ბუბა კიკაბიძის პერსონაჟი სატელეფონო საუბრის დროს ჟუჟუნა წვიმას მღერის.
