რა არის საკუთარი თავის გათვალვა და როგორ დავიცვათ მისგან თავი?

ოდესმე თუ გიფიქრიათ ისეთ მოვლენაზე, როგორიცაა გათვალვა? ეს არის უარყოფითი ენერგიის მიზანმიმართული დარტყმა ადამიანის ბიოველზე, რომელიც უარყოფითი აზრების, ემოციებისა და გრძნობების გამო ყალიბდება. გათვალვა მხოლოდ სხვა ადამიანებს არ შეუძლიათ. საკუთარი თავი შეიძლება თავადაც გათვალოთ.

ალბათ შენიშნავდით, რომ ზოგი ადამიანი, როდესაც საკუთარ თავზე ან მომავალზე რაიმე კარგს ამბობს, მარცხენა მხარის ზემოთ სამჯერ აფურთხებს ან ხეზე აკაკუნებს. ეს რიტუალი ჯერ კიდევ ჩვენმა წინაპრებმა გამოიგონეს და დესტრუქციული ენერგიის წინააღმდეგ ეფექტურად მუშაობს.

ჩვენი აზრები და სიტყვები მატერიალური ენერგიის ნაკრებია. დადებით აზრებს ლამაზი ფორმები და ნათელი ფერები აქვთ. უარყოფითს - ეკლიანი ფორმები და მუქი, ბუნდოვანი შეფერილობა. ეს აზრები ჩვენზე და ჩვენს ცხოვრებაში არსებულ სიტუაციებზე ძლიერ გავლენას ახდენს. ყველაფერი, რაზეც ჩვენ ვფიქრობთ ან ვსაუბრობთ, ხშირად ამა თუ იმ ფორმით სრულდება. უარყოფითი ენერგიები ადამიანის ბიოველის დამცავ ფენას და მთელი ორგანიზმის ენერგეტიკულ ბალანსს არღვევენ.

სასიცოცხლო ენერგიის ნაკლებობა იმუნიტეტის შემცირებას და მუდმივ გაღიზიანებას იწვევს. ასეთ მომენტებში, ქვეცნობიერის დონეზე ვხვდებით, რომ ჩვენს ცხოვრებაში წარუმატებლობის ეტაპი დაიწყო. თავი რომ ავტოგათვალვისგან დავიცვათ, მნიშვნელოვანია საკუთარ აზრებზე და ემოციებზე ვიმუშაოთ.

ყურადღებით დააკვირდით საკუთარ სიტყვებს. გახსოვდეთ, რომ სიტყვებს ადამიანის ჯანმრთელობაზე და ბედზე გავლენის მოხდენა შეუძლიათ.

გარე სამყაროში ჩვენი სიტყვების მატერიალიზაცია ხდება, ამიტომ ეცადეთ ერიდოთ ისეთ გამოთქმებს, როგორიცაა:
- არაფერში მიმართლებს,
- არაფერი გამომივა,
- ფული არ მაქვს, ან საკმარისი ფული არ მაქვს
- სულ ავად ვარ
- სიკვდილამდე დავიღალე
- ინფარქტამდე ან პულსის დაკარგვამდე მომიყვანთ

საკუთარ თავზე ცუდად ფიქრი დაუშვებელია, რადგან ეს თქვენს ბიოლოგიურ ველს ძალიან მარტივია და სწრაფად აზიანებს - ზუსტად უარყოფითი აზრებით, რომელსაც საკუთარ თავისკენ მიმართავთ. ამით საკუთარი თავის გათვალვას ახდენთ!!! თუ ცუდ აზრებზე და სიტყვებზე უარს იტყვით, თქვენი ბიოველი გაძლიერდება და ბოროტი თვალი მას დაზიანებას ვერ შეძლებს.

ზოგჯერ ხდება, რომ ადამიანს ესაუბრებით და მის უარყოფით გავლენას გრძნობთ ან სრულიად უმიზეზოდ ამ ადამიანთან ურთიერთობა არ გსიამოვნებთ. ეს ნიშნავს, რომ მისგან უარყოფითი ენერგიას გრძნობთ. ამ შემთხვევაში, შეგიძლიათ წარმოსახვითი სარკის სახით ენერგეტიკული დაცვა შექმნათ, რომელიც ამ ადამიანის უარყოფით აზრებს და ენერგიას აირეკლავს.