შაბათიდან საქართველოში ვაქცინა შემოვა - ეკატერინე ტიკარაძე
ჯანდაცვის მინისტრის ეკატერინე ტიკარაძის თქმით, საქართველოში ვაქცინა უფრო ადრე, შაბათს შემოვა.
ტიკარაძემ ჯანდაცვის სამინისტროში გამართულ ბრიფინგზე თქვა, რომ ეს UNICEF-ის დახმარებით მოხდა.
"საქართველოში ვაქცინა შემოვა დაჩქარებული ტემპით, თარიღმა გადმოიწია 1 კვირით, ჩვენ გვაქვს დადასტურებული ინფორმაცია, რომ შაბათიდან საქართველოში გვექნება ვაქცინების ეტაპობრივი მოწოდება", - თქვა ტიკარაძემ.
მისივე განცხადებით, შეთანხმების თანახმად პირველ ეტაპზე ასტრაზენეკას ვაქცინა, 43 200 დოზა შემოვა.
ვაქცინა 22 მარტის კვირაში უნდა შემოსულიყო.