პაბლო ესკობარის Porsche აუქციონზე გაიყიდება
ავტომობილი Porsche, რომელიც ცნობილ ნარკობარონ პაბლო ესკობარს ეკუთვნოდა, Atlantis Motor Group-ის აუქციონზე რამდენიმე მილიონ დოლარად გაიყიდება. ამის შესახებ ინფორმაციას პორტალი Archyde აქვეყნებს.
საუბარია 1974 წელს გამოშვებულ ყვითელი ფერის Porsche 911 RSR-ზე. ამ მოდელის 15 ავტომობილი რბოლის საერთაშორისო ჩემპიონატისთვის გამოუშვეს.
გავრცელებული ინფორმაციით, ლოტის საწყისი ფასი 2,2 მილიონი დოლარია.
