XV საუკუნის ჩინური ფინჯანი აუქციონზე რეკორდულ ფასად გაიყიდა
XV საუკუნის ჩინური ფინჯანი, რომელიც გასულ წელს კონექტიკუტის ქუჩის ბაზრობაზე 35 დოლარად შეიძინეს, Sotheby\'s აუქციონზე რეკორდულ ფასად გაიყიდა. ამის შესახებ CNN-ი იუწყება.
უცნობმა კოლექციონერმა მასში 721.8 ათასი დოლარი გადაიხადა. ცისფერი ყვავილებით მოხატული თეთრი ფინჯანი სავარაუდოდ იმპერატორ იუნლეს მმართველობის პერიოდშია შექმნილი. მსოფლიოში სულ 6 მსგავსი ფინჯანია შემონახული.
