ქაბულში ტერაქტს მსხვერპლი მოჰყვა
ავღანეთის დედაქალაქში მორიგი ტერორისტული აქტი განხორციელდა. ამის შესახებ Tolo News-ი წერს.
გამოცემის ინფორმაციით, ტერორისტთა სამიზნე სარ-ე-ქოთალის რაიონი გახდა, სადაც დანაღმული ავტობუსი აფეთქდა. ავტობუსში კომუნიკაციების სამინისტროს თანამშრომლები იმყოფებოდნენ.
ტერაქტს 3 ადამიანი ემსხვერპლა, 11 კი დაშავდა. რამდენიმე დაშავებულის მდგომარეობა კრიტიკულია, რის გამოც დაღუპულთა რიცხვი შესაძლოა გაიზარდოს. მომხდარზე პასუხისმგებლობა ჯერჯერობით არავის აუღია.