ბულგარეთში რუსეთის სასარგებლოდ ჯაშუშობის ბრალდებით მაღალჩინოსნები დააკავეს
ბულგარეთის დედაქალაქ სოფიაში და პერნიკში რამდენიმე ადამიანი დააკავეს, რომლებიც რუსეთის სასარგებლოდ ჯაშუშობაში არიან ეჭვმიტანილები. ინფორმაციას „ეხო კავკაზა“ ავრცელებს.
ოპერაცია ბულგარეთის კონტრდაზვერვის სააგენტომ ჩაატარა. ბულგარეთის ტელევიზიის ინფორმაციით, ზოგიერთი დაკავებული მიმალვას ცდილობდა. ყველა დაკავებული მაღალჩინოსანია, რომლებსაც საიდუმლო ინფორმაციაზე წვდომა ჰქონდათ.
ცნობისთვის, 2019 წლიდან ბულგარეთიდან ჯაშუშობაში ეჭვმიტანილი 6 რუსი დიპლომატი გააძევეს. კიდევ ერთს ქვეყანაში ჩასვლის უფლება არ მისცეს.
