"პუტინი მკვლელია, რომლის სამიზნე თავისუფლების მოყვარული ადამიანები და მათი არჩევანია" - ადამ კინზინგერი
პუტინი მკვლელია, - ამის შესახებ ამერიკელმა, კონგრესმენმა ადამ კინზინგერმა განაცხადა.
როგორც კონგრესმენი ტვიტერზე წერს, ის თესავს ქაოსს და მთელ მსოფლიოში დაუსჯელად მოქმედებს.
"რუსეთი არ არის ჩვენი მოკავშირე; პუტინი მკვლელია. ის არის ტირანი, რომლის სამიზნეც თავისუფლების მოყვარული ადამიანები და მათი არჩევნებია. ის დაეხმარა ასადს, მოეკლა სირიაში 50 ათასზე მეტი ბავშვი და აწამეს აქტივისტები ბელარუსში. ის თესავს ქაოსს და მთელ მსოფლიოში დაუსჯელად მოქმედებს", - წერს კინზინგერი.
