მეცნიერებმა ისლანდიაში გაღვიძებულ ვულკანზე ჰოთ-დოგები შეწვეს (ვიდეო)
ისლანდიაში ვულკან ფაგრადალსფიალის შესასწავლად ჩასულმა მკვლევარებმა გაციებულ ლავაზე ჰოთ-დოგები შეწვეს. ამის შესახებ Reuters-ი იტყობინება.
გამოცემის ცნობით, ნახევარკუნძულ რეიკიანესზე მდებარე ვულკანს 6 ათასი წლის განმავლობაში ეძინა და 19 მარტს ამოიფრქვა.
მეტეოროლოგების თქმით, ამოფრქვევა მოსახლეობას საფრთხეს არ უქმნის, ამიტომ მოქალაქეებისთვის ვულკანი ერთგვარ ღირსშესანიშნაობად იქცა.
