გასული დღე-ღამის მანძილზე ინდოეთში კორონავირუსის 200 739 ახალი შემთხვევა გამოვლინდა
ინდოეთში გასული დღე-ღამის განმავლობაში კორონავირუსის 200 739 შემთხვევა აღირიცხა. ეს პანდემიის დაწყებიდან მსოფლიოს მასშტაბით რეკორდულად მაღალი დღიური მაჩვენებელია.
ბოლო 24 საათში ინდოეთში გარდაიცვალა 1 038 კოვიდინფიცირებული.
პანდემიის დაწყებიდან ინდოეთში აღრიცხულია „კოვიდ-19-ის“ 14,1 მილიონი შემთხვევა. ამ მაჩვენებლით ქვეყანა მსოფლიოში მეორე ადგილზეა აშშ-ის შემდეგ.
მსხვერპლთა საერთო რაოდენობა 173 123-ს შეადგენს.
ინდოეთის ფინანსური ცენტრში, ქალაქ მუმბაიში ლოკდაუნია გამოცხადებული. საავადმყოფოებში კი საწოლებისა და ჟანგბადის დეფიციტია.
