ტრამპის მიერ დამტკიცებულ NASA-ს მთვარის მისიის პროექტს ჯო ბაიდენმა ბიუჯეტი გაუზარდა
აშშ-ს პრეზიდენტმა, ჯო ბაიდენმა კოსმოსურ სააგენტო NASA-ს ბიუჯეტი გაუზარდა პროექტისთვის, რომლის ფარგლებშიც ამერიკელი ასტრონავტები 2024 წლისთვის მთვარეზე უნდა დაბრუნდნენ.
ამერიკელების მთვარეზე დაბრუნების პროექტი პრეზიდენტმა ტრამპმა დაამტკიცა, ბაიდენის ადმინისტრაციამ კი პროექტისთვის NASA-ს დამატებით $400 მილიონი გამოუყო.
მეცნიერები აცხადებენ, მთვარეზე დაბრუნების მისია დიდი მნიშვნელობისაა და მას ნამდვილად აქვს ორპარტიული მხარდაჭერა, რადგან ეს მთელი ქვეყნის პოლიტიკური მიზნის მიღწევა იქნება.
