რუსეთში უკრაინის კონსული დააკავეს
რუსეთის ქალაქ სანკტ-პეტერბურგში უკრაინის გენერალური საკონსულოს კონსული ალექსანდ სოსონიუკი დააკავეს.
მედიის ინფორმაციით, რუსეთის უშიშროების ფედერალურმა სამსახურმა დიპლომატი სამართალდამცავი ორგანოების მონაცემებიდან საიდუმლო ინფორმაციის მოპოვებისთვის დააკავა. კერძოდ, უკრაინელმა კონსულმა რუსეთის მოქალაქისგან საიდუმლო სამხედრო ინფორმაცია მიიღო.
მედიის ცნობითვე, დაკავებული ამჟამად უკრაინის დიპლომატიურ დაწესებულებაში იმყოფება.
