სომხეთი თურქეთთან მოლაპარაკებებს არ აწარმოებს
სომხეთი დიპლომატიური ურთიერთობების დამყარებისა და საზღვრების გახსნის შესახებ თურქეთთან მოლაპარაკებებს არ აწარმოებს. ამის შესახებ სომხეთის საგარეო საქმეთა მინისტრის მრჩეველმა, მარტა აივაზიანმა განაცხადა.
„უნდა აღვნიშნო, რომ სომხეთსა და თურქეთს შორის აღნიშნულ საკითხზე მოლაპარაკებები არ იმართება და არც იგეგმება“, - აღნიშნა მარტა აივაზიანმა.
სომხეთის საგარეო საქმეთა მინისტრის მრჩეველმა ასევე განაცხადა, რომ ოსმალეთის იმპერიაში სომეხთა გენოციდის საერთაშორისო აღიარება სომხეთის საგარეო პოლიტიკის პრიორიტეტად რჩება.
„რა თქმა უნდა, სომეხთა გენოციდის აღიარების საერთაშორისო პროცესი ჩვენი საგარეო პლიტიკის პრიორიტეტად რჩება. ჩვენს საგარეო პოლიტიკაში არაფერი შეცვლილა“, - აღნიშნა მან.