მოვუწოდებთ ყველა პოლიტიკურ პარტიას, გამოიჩინონ გამბედაობა და ხელი მოაწერონ შეთანხმებას - დიდი ბრიტანეთის საელჩო
დიდი ბრიტანეთის საელჩო საქართველოში, პარტიებს ევროპული საბჭოს პრეზიდენტის, შარლ მიშელის მიერ შეთავაზებული დოკუმენტის ხელმოწერისკენ მოუწოდებს.
"მივესალმებით პოლიტიკური კრიზისის განსამუხტად მიმართულ პროგრესს.
მოვუწოდებთ ყველა პოლიტიკურ პარტიას, რომლებსაც ჯერ არ მოუწერია ხელი, გამოიჩინონ გამბედაობა და ხელი მოაწერონ შეთანხმებას, საქართველოს მოქალაქეების ინტერესებისა და ქვეყნის ევრო-ატლანტიკური პროგრესის სასარგებლოდ”, - აღნიშნულია საელჩოს განცხადებაში.
შეგახსენებთ, 18 აპრილს, ევროპული საბჭოს პრეზიდენტმა, შარლ მიშელმა "ქართულ ოცნებასა" და ოპოზიციას ახალი დოკუმენტი შესთავაზა.
