ბაიდენის რეიტინგი 100 დღის შემდეგ ტრამპის ანალოგიურ პერიოდზე უფრო მაღალია
აშშ-ის პრეზიდენტის ჯო ბაიდენის რეიტინგი პრეზიდენტობის პირველი 100 დღის განმავლობაში უფრო მაღალია, ვიდრე მისი წინამორბედის, დონალდ ტრამპის რეიტინგი ანალოგიური პერიოდის განმავლობაში. ამის შესახებ Reuters იუწყება.
სოციოლოგიური კვლევა Reuters / Ipsos-მა ჩაატარა. ბაიდენს გამოკითხულთა ნახევარზე მეტი, 55% უჭერს მხარს. 40% მის საქმიანობას მხარს არ უჭერს.
კორონავირუსთან ბრძოლის საკითხში ბაიდენს გამოკითხულთა 65% უჭერს მხარს. ანალოგიურმა კვლევამ, რომელიც იანვარში ჩატარდა, დონალდ ტრამპის 38%-იანი მხარდაჭერა აჩვენა.
ყველაზე დიდი კრიტიკა ბაიდენის ადმინისტრაციამ მიგრანტებთან დაკავშირებით მისი პოლიტიკის გამო დაიმსახურა. 42% ბაიდენის ძალისხმევას ამ მიმართულებით მხარს უჭერენ, ხოლო 49% მხარს არ უჭერს.
