აშშ-ის ხელისუფლება ქაბულში საელჩოს თანამშრომლებს ქვეყნის დატოვებას ურჩევს
აშშ-ის ხელისუფლება ურჩევს ავღანეთის დედაქალაქ ქაბულში არსებული ამერიკის საელჩოს თანამშრომლებს შეძლებისდაგვარად ქვეყანა დატოვონ, ვინაიდან საფრთხე ბევრად გაზრდილია. ამის შესახებ Aljazeera იუწყება.
აშშ-ის ხელისუფლების ეს მოწოდება ავღანეთიდან ამერიკული ჯარის გაყვანის დაწყების პროცესს დაემთხვა. აშშ-ის პრეზიდენტმა ჯო ბაიდენმა ამ ქვეყანაში ამერიკული ჯარის 20-წლიანი ყოფნის დასრულების გადაწყვეტილება მიიღო. ავღანეთიდან დაახლოებით 2 500 ამერიკელი სამხედრო უნდა გავიდეს. ეს პროცესი 2021 წლის 11 სექტემბრამდე უნდა დასრულდეს.
აშშ ქაბულში საელჩოს შენარჩუნებას აპირებს, მაგრამ იქ მინიმალურად აუცილებელი რაოდენობის პერსონალი და საელჩოს დაცვის წარმომადგენლები დარჩებიან.