რა საშიშროების შემცველია ძვლებისთვის ვეგანობა

გერმანიის რისკების შემფასებელმა ფედერალურმა ინსტიტუტმა გაანალიზა 36 ვეგანისა და 36 პირის (იღებდნენ შერეულ საკვებს) ძვლების მდგომარეობა.
ამისათვის ტარდებოდა ქუსლის ძვლის ულტრაბგერითი დენსიტომეტრია (ძვლის ქსოვილის სიმკვრივის მაჩვენებელი). შედეგი აღმოჩნდა შემდეგი: საშუალოდ, ადამიანებს, რომლებიც იცავდნენ ვეგანურ დიეტას, გააჩნდათ ძვლის სიმკვრივის უფრო დაბალი მაჩვენებელი, სხვებთან შედარებით.

კვლევის მიმდინარეობისას მეცნიერებმა ასევე გამოყვეს სისხლსა და შარდში მნიშვნელოვანი ბიომარკერები. ეს მიმართული იყო იმისაკენ, რომ განესაზღვრათ დიეტასთან და ძვლის სიჯანსაღესთან დაკავშირებული საკვები ნივთიერებები.

28 პარამეტრიდან იდენტიფიცირებული იქნა 12 ბიომარკერი, რომლებიც მეტ-ნაკლებად მჭიდროდ უკავშირდებოდა ძვლების სიჯანსაღეს. მაგალითისათვის ეს იყო
ამინომჟავა ლიზინი და A და B6 ვიტამინები. ვეგანებში აღნიშნული ბიომარკერების დონე დაქვეითებული იყო.

მკვლევარების განცხადებით, А და В6 ვიტამინების, ლიზინის, ლეიცინის, ომეგა-3 ცხიმოვანი მჟავების, სელენოპროტეინის Р, იოდის, თირეოტროპული ჰორმონის, კალციუმის, მაგნიუმისა და ცილა α-Klotho კომბინაცია დადებითაა დაკავშირებული ძვლების სიჯანსაღეზე. ჰორმონის FGF23 (ფიბრობლასტების ზრდის ფაქტორი) უფრო

დაბალი კონცენტრაცია აღინიშნებოდა დენსიტომეტრიის მაღალი მაჩვენებელებისას. როგორც ჩანს, ვეგანები იღებდნენ ნაკლებად ისეთ საკვებ ნივთიერებებს, რომლებიც ხელს უწყობენ ძვლების გამყარებას.