როგორ გავაქროთ თვალის ირგვლივ შავი წრეები? - 5 მარტივი ბუნებრივი საშუალება

დამღლელი სამუშაო დღეები, კომპიუტერის ეკრანთან დიდხანს ყოფნა, ასევე რკინის, K და C ვიტამინების ნაკლებობა - ხშირად თვალის ირგვლის შავი წრეების წარმოქმნის მიზეზი ხდება.

როგორ ვებრძოლოთ ბუნებრივი საშუალებებით შავ წრეებს? გიზიარებთ რამდენიმე რჩევას.

ნუშის ზეთი

თვალის ირგვლივ არსებული კანი საკვებ ნივთიერებებს მარტივად კარგავს. ამიტომ, მისი კვება მნიშვნელოვანია.

არარაფინირებული ნუშის ზეთი E ვიტამინის წყაროა.

დღის განმავლობაში რამდენჯერმე თვალის ირგვლი ნუშის ზეთით გაიკეთეთ მასაჟი.

მალე შენიშნავთ, რომ დაგირბილდებათ და ნათელი გაგიხდებათ კანი.


ქოქოსის ზეთი

ცხიმოვანი მჟავების შემცველ ზეთს ანტიოქსიდანტური და ანთების საწინააღმდეგო
ეფექტი აქვს, აძლიერებს კანს და სისხლის მიმოქცევას აუმჯობესებს.

დაიმასაჟეთ თვალის ირგვლივ კანი მისი დახმარებით 30 წუთის განმავლობაში და შედეგიც არ დააყოვნებს (სასურველია, ოთახის ტემპერატურის ქოქოსის ზეთი, 1 ჩ/კ).

ზეთი არ მოიშოროთ კანიდან, ვინაიდან ის მარტივად და სრულად შეიწოვება.

სანდალოზის ზეთი(სანტალის ზეთი)

აღნიშნული ეთერზეთი დაღლილ თვალებსა და შავ რგოლებს დაგავიწყებთ. ამას გარდა, ის საოცრად ებრძვის კანის ასაკობრივ პრობლემებსა და ნაოჭებს.


ვაზელინი

ტუჩების დატენიანებასთან ერთად ვაზელინი შესანიშნავად ებრძვის ჩაცვენილ თვალებს.

ის ატენიანებს კანს და შავ რგოლებს ამცირებს.

მწვანე ჩაი

ფლავანოიდებითა და ანტიოქსიდანტებით მდიდარი მწვანე ჩაი სისხლის მიმოქცევას აუმჯობესებს.

გააციეთ ჩაის პაკეტები და გაიჩერეთ თვალებზე 15-20 წუთი.

ის თვალის კუნთებსა და ნერვებს დაამშვიდებს.

გაიმეორეთ ყოველ საღამოს, ძილის წინ.

mkurnali.ge