აშშ-ში ახალგაზრდა რეპერი კონკურენტებმა მოკლეს
აშშ-ში, ლუიზიანაში 19 წლის მაიკლ ბროკი ჯგუფიდან Three-13 კონკურენტი ჯგუფის წევრებმა მოკლეს. ამის შესახებ ინფორმაციას Daily Star ავრცელებს.
გამოცემის ცნობით, მუსიკოსი საკუთარ სახლთან ჩაცხრილეს, როდესაც მან კარი გააღო. ამ დროს ბინაში სხვა ადამიანებიც იმყოფებოდნენ, მათ შორის 7 წლის ბავშვიც.
გამოძიების ცნობით, მაიკლს მისმა თანატოლმა, თაუჯ თაპლინმა ესროლა, რომელის შემთხვევის ადგილიდან მიიმალა. რამდენიმე დღეში თავდამსხმელი და მისი თანამზრახველი, ასევე 19 წლის ახალგაზრდა პოლიციამ დააკავა.
