„აიაქსის“ ცუდმა პერიოდმა უფრო გააძლიერა“ - სანიოლი მიქაუტაძეზე
საქართველოს ნაკრების მთავარმა მწვრთნელმა ვილი სანიოლმა RMC Sport-თან ინტერვიუში გიორგი მიქაუტაძის შესახებ ისაუბრა.
როგორც მან აღნიშნა, „აიაქსში“ ჩავარდნა მიქაუტაძეს უფრო მეტად დაეხმარა ძლიერი ხასიათის გამოვლენაში.
„ის ნიჭიერი ფეხბურთელია. ვფიქრობ, ის ფაქტი, რომ ცოტა გვიან გაიხსნა, იმის შედეგია, რომ როდესაც პატარა იყო, საკმარისად არ მუშაობდა. მან „ლიონის“ აკადემია გამოიარა, სადაც თავი ვერ გამოიჩინა, მაგრამ ახლა ახერხებს იმის გაცნობიერებას, რომ მაღალ დონეზე მისასვლელად ბევრი მუშაობაა საჭირო.
„აიაქსში“ მისი ტრანსფერი წარუმატებლობა იყო, მაგრამ ვფიქრობ, რომ ეს დაეხმარა კიდევ უფრო მომწიფებაში“, - თქვა სანიოლმა.
