"ქუთაისში გაიმართა დიდი ქორწილი, თავისი ტაშფანდურით და “ტრადიციული” სმაჭამით…" - რა ინფორმაციას ავრცელებს მაკა ჩიჩუა
საქართველოს ყოფილი პირველი ლედი, მაკა ჩიჩუა სოციალურ ქსელში ქუთაისში გამართულ ქორწილზე წერს.
"ახლახანს ასეთი ამბავი გავიგე …
ქუთაისში გაიმართა დიდი ქორწილი, თავისი ტაშფანდურით და “ტრადიციული” სმაჭამით …
გათვალისწინებით იმისა რომ ამ ტიპის თავყრილობები ჯარიმდება, ქორწილის ხარჯებში ეს ჯარიმაც წინასწარ გათვლილი იყო.
რაზე ვლაპარაკობთ ღმერთმანი", - წერს მაკა ჩიჩუა ფეისბუქზე.
შეგახსენებთ, რომ საქართველოში არსებული მძიმე ეპიდვითარების გამო, ხელისუფლებამ გარკვეული შეზღუდვები დააწესა, მათ შორის იკრძალება დიდი თავყრილობების გამართვა. საქართველო კოვიდინფიცირებულთა და გარდაცვლილთა რაოდენობით, მსოფლიოში მოწინავე პოზიციაზეა.
