Covid-19–ის სამკურნალოდ შექმნილი პირველი მედიკამენტით მკურნალობა დიდ ბრიტანეთში 20 სექტემბრიდან დაიწყება

Covid-19–ის სამკურნალოდ შექმნილი პირველი მედიკამენტით მკურნალობა დიდ ბრიტანეთში 20 სექტემბრიდან დაიწყება, - ამის შესახებ ინფორმაციას სოციალურ ქსელში ნორვეგიის სამეფოს ჯანდაცვის სამინისტროს უფროსი მრჩეველი, ზაზა წერეთელი აქვეყნებს.

"როგორც გაერთიანებული სამეფოს ჯანდაცვის მდივანმა საჯიდ ჯავიდამ განაცხადა მედიკამენტი რონაპრევი, პირველი მედიკამენტი, რომელიც სპეციალურად შეიქმნა Covid-19– ის სამკურნალოდ და მიიღო მარეგულირებელი დამტკიცება დიდ ბრიტანეთში, ორშაბათიდან გამოყენებული NHS საავადმყოფოს მძიმე პაციენტების სამკურნალოდ.

ის გამოყენებული იქნება 50 წელზე უფროსი ასაკის ანტისხეულების გარეშე მყოფი პაციენტების სამკურნალოდ და ასევე 12 -დან 49 წლამდე ასაკის იმუნოკომპრომეტირებული ადამიანებისათვის.

მთავრობამ შეიძინა პრეპარატის საკმარისი რაოდენობა რაც მისცემს მას საშუალებას მომავალი კვირიდან დაიწყოს მისი გამოყენება შესაბამისი საავადმყოფოებში.

” გაერთიანებული სამეფო ლიდერობს მსოფლიოში წამლების იდენტიფიცირებასა და გამოყენებაში, განსაკუთრებით Covid-19– ისთვის და ჩვენ გავაგრძელებთ ჩვენს სასიცოცხლო მუშაობას, რათა ვიპოვოთ საუკეთესო სამკურნალო საშუალებები სიცოცხლის გადასარჩენად და NHS– ის დასაცავად.” განაცხადა მდივანმა ჯავიდმა.

აგვისტოში, მედიცინისა და ჯანდაცვის პროდუქტების მარეგულირებელი სააგენტომ (MHRA) განაცხადა, რომ კლინიკური კვლევის მონაცემებმა აჩვენა, რომ რონაპრევი შეიძლება გამოყენებულ იქნას ინფექციის თავიდან ასაცილებლად, სერიოზული ინფექციის სიმპტომების სამკურნალოდ და საავადმყოფოში მიღების ალბათობის შესამცირებლად.

მედიკამენტი, ორი მონოკლონური ანტისხეულების კომბინაცია, გახდა პირველი მონოკლონური ანტისხეულების კომბინირებული პროდუქტი, რომელიც დამტკიცებულია დიდ ბრიტანეთში ვირუსული ინფექციის პროფილაქტიკისა და მკურნალობისათვის.
MHRA– ს თანახმად, ეს მედიკამენტი ფარმაცევტული ფირმების Regeneron და Roche– ის მიერ არის შემუშავებული და ადრე ცნობილი იყო როგორც REGN-Cov2 . მედიკამენტი შეჰყავთ ინექციით ან ინფუზიით და მოქმედებს სასუნთქი სისტემის ლორწოვან გარსზე, სადაც ის უკავშირდება და ბოჭავს ვირუსს და ხელს უშლის მას უჯრედებზე წვდომისგან.

იმუნოკომპრომისულ ადამიანებს მიეკუთვნება კიბოთი ან აუტოიმუნური დაავადებებით დაავადებული ადამიანები, რომლებსაც უჭირთ ვირუსზე ანტისხეულების საპასუხოდ ჩამოყალიბება, Covid-19– ით დასნებოვნებისა თუ ვაქცინაციის შედეგად.
მკურნალობის დასანიშნად გამოყენებული იქნებ აანტისხეულების ტესტირება რათა დადგინდეს, არიან თუ არა პაციენტები "სერონეგატიური" - რაც იმას ნიშნავს, რომ მათ არ აქვთ საკმარისი ანტისხეულების პასუხი.

ჯანდაცვის დეპარტამენტმა განაცხადა რომ მითითებები უკვე დაიგზავნა ექიმებისთვის, რათა მათ დაიწყონ მკურნალობის დანიშვნა "რაც შეიძლება მალე", - წერს წერეთელი ფეისბუქზე.