"ამ ინფორმაციას ელოდა ყველა!" - აცრიან თუ 5-11 წლის ბავშვებს?
საზოგადოებრივი ჯანდაცვის ექსპერტი, პროფესორი გიორგი ფხაკაძე სოციალურ ქსელში 5-11 წლის ასაკის ბავშვებში კოვიდვაქცინაციის შესახებ ახალ ინფორმაციას ავრცელებს.
"ამ ინფორმაციას ელოდა ყველა!
5-11 წლის ასაკის ბავშვებში ფაიზერის ვაქცინის ეფექტურობა დადასტურდა.
ფაიზერი/ბიონტეკი ამ კვირაში შეიტანს განაცხადს ავტორიზაციაზე ამ ასაკობრივი ჯგუფებისათვის.
5 წლის ქვევით ასაკის ბავშვებში კვლევები მიმდინარეობს და 2-3 თვეში იქნება ხელმისაწვდომი. ალბათ, ამ ასაკობრივ კატეგორიაში ვაქცინაცია დაშვებულიც იქნება საახალწლოდ.
შეგახსენებთ, ფაიზერი/ბიონტეკს სრული ავტორიზაცია აქვს მიღებული ამერიკის წამლის სააგენტოდან 16 წლის ზემოთ ასაკიდან, ხოლო 12-16 წლის ასაკობრივ ჯგუფში - გადაუდებელი მოხმარების ავტორიზაცია", - წერს ფხაკაძე ფეისბუქზე.
