"მე-5 ტალღის დაწყება დამოკიდებულია იმაზე... "- რა რისკებზე საუბრობს ამირან გამყრელიძე
მეხუთე ტალღის დაწყება დამოკიდებულია იმაზე, თუ როგორი იქნება რესპირაციული ვირუსების სეზონი - წელს გრიპი იქნება ისეთივე ნაკლებად აქტიური, როგორც შარშან იყო, თუ - უფრო აქტიური, - ამის შესახებ დაავადებათა კონტროლის ეროვნული ცენტრის ხელმძღვანელმა,, ამირან გამყრელიძემ განაცხადა.
მისივე თქმით, პირბადის ტარების მაჩვენებელი ქვეყანაში დაბალია, რაც ეპიდემიოლოგიურ რისკებს ზრდის.
"სამწუხაროდ, კვლავ დაბალია პირბადის ტარების მაჩვენებელი, ძალიან დაბალია - 43%, რაც დაუშვებელია.
თუ აცრების რაოდენობა მნიშვნელოვნად გაიზარდა ოქტომბერ-ნოემბერში, მაშინ მეხუთე ტალღა კიდევ უფრო გადავადდება და იქნება შედარებით მსუბუქი. მეხუთე ტალღის დაწყება დამოკიდებულია იმაზე, თუ როგორი იქნება რესპირაციული ვირუსების სეზონი - წელს გრიპი იქნება ისეთივე ნაკლებად აქტიური, როგორც შარშან იყო, თუ - უფრო აქტიური. ამას ძალიან დიდი მნიშვნელობა ექნება," - განაცხადა ამირან გამყრელიძემ.
პანდემიის დაწყებიდან დღემდე, საქართველოში კორონავირუსის 606,492 შეამთხვევა დადასტურდა, აქედან 8,817 ადამიანი გარდაიცვალა.
