სროლა სოხუმის ცენტრში - დაჭრილია 3 პირი
ოკუპირებული სოხუმის ცენტრში რამდენიმე საათის წინ სროლა იყო. ადგილობრივი მედიის ინფორმაციით, დაპირისპირება კაფე "ბისკვიტში" მოხდა.
გავრცელებული ინფორმაციით, სამი პირი ცეცხლსასროლი იარაღით მიყენებული ჭრილობებით საავადმყოფოში გადაიყვანეს, ერთი მსროლელი კი ადგილიდან მიიმალა, თუმცა მოგვიანებით ის საოკუპაციო რეჟიმის ე.წ პოლიციამ დააკავა.
წინასწარი ინფორმაციით, დაკავებული სოხუმის ე.წ საქალაქო ადმინისტრაციის თანამშრომელია.
