"პირველ სართულს მაცხოვრებელი არემონტებდა და საყრდენი კედელი მოხსნაო..." - ფანჯიკიძე
ფსიქოლოგი ნათია ფანჯიკიძე ბათუმში დატრიალებულ ტრაგედიას ეხმაურება:
""რატომ არ ხდება ავარიული სახლების შემოწმება, ბედის ანაბარად როგორ შეიძლება ვცხოვრობდეთ მუდმივად, იმ საქმეში მაინც, რის გათვლა, დათვლა, გათვალისწინება და პრევენცია 100%-ით არის შესაძლებელი? ადამიანის ხელი საკმარისია ასეთი რამისთვის. ჩამონგრეულმა სახლმა ბათუმში ხალხი მოიყოლა. მაშველების იმედიღა მაქვს, იქნებ მსხვერპლი არ იყოს.
პ.ს. პირველ სართულს მაცხოვრებელი არემონტებდა და საყრდენი კედელი მოხსნაო... ღმერთო ორი გრამით მეტი ტვინი და სულ ცოტა პასუხისმგებლობის გრძნობა რა გახდა, დაგებერტყა ადამიანებისთვის?", - წერს ფანჯიკიძე.
ცნობისთვის, ბათუმში საცხოვრებელი სახლი ჩამოინგრა.
