კახა კალაძე – 55.603%, ნიკა მელია – 44.397% - თბილისი "ოცნებამ" მოიგო
თბილისში არჩევნები კახა კალაძემ მოიგო. ცესკოს მონაცემებით, თბილისში, "ქართული ოცნების" მერობის კანდიდატმა, კახა კალაძემ ხმების 55.603% მიიღო.
რაც შეეხება ოპოზიციის საერთო კანდიდატს, ნიკა მელიას, მას ამომრჩეველთა 44.397%-მა მისცა ხმა.
დედაქალაქში ხმების 100% დათვლილია.
30 ოქტომბერს საქართველოს 20 ქალაქსა და თვითმმართველ თემში ადგილობრივი თვითმმართველობის არჩევნების მეორე ტურები გაიმართა. ცენტრალური საარჩევნო კომისიის ოფიციალური მონაცემებით, 20-დან 19 ქალაქში მერის არჩევნები "ქართულმა ოცნებამ" მოიგო.
