"არცერთი უსახლკარო თბილისელი არ გვეყოლება" - კალაძე
თბილისის მერმა, კახა კალაძემ მთავრობის სხდომაზე უსახლკაროს სტატუსის მქონე მოქალაქეების საკითხზე ისაუბა და აღნიშნა, რომ საცხოვრებელი ფართებით დაკმაყოფილების პროგრამა 2022 წლიდან ამოქმედდება.
„ჩვენ თბილისში ასეთი 400-მდე ოჯახი გვყავს, ვისაც უსახლკაროს სტატუსი აქვს მინიჭებული. ამ პროგრამის განხორციელებასაც 2022 წლიდან დავიწყებთ და არცერთი უსახლკარო თბილისელი არ გვეყოლება.
ჯერ კიდევ წლების წინ დავიწყეთ შესაბამისი საბინაო ფონდის შექმნა. ყველა უსახლკარო ფართებით მაქსიმალურად დაკმაყოფილდება და ამ პრობლემას მოვაგვარებთ“, - განაცხადა თბილისის მერმა.
