შიმშილობის 35-ე დღე - მიხეილ სააკაშვილს წონის 10 % აქვს დაკლებული
საქართველოს მესამე პრეზიდენტის ექიმი, ნიკოლოზ ყიფშიძე აცხადებს, რომ მიხეილ სააკაშვილის ტესტების პასუხი გაუარესდა. სააკაშვილმა წონის 10% დაკარგა, რაც მისთვის ძალიან საშიშია.
"დღეს მივიღეთ ტესტები პასუხები და კონსილიუმთან გავიარეთ ყველა პარამეტრები. წინა კონსილიუმთან შედარებით, რომელიც იყო დაახლოებით ერთი კვირის წინ, რეზულტატები უარესია. პრეზიდენტი უჩივის გულის ფრიალს, უფრო მეტად სუსტია ვიდრე იყო ადრე და ა.შ. საგანგაშო მდგომარეობა შეიძლება ყოველ წუთას მოვიდეს".- ამბობს ნიკოლოზ ყიფშიძე.
