ბავშვის საფენების ფასი გაორმაგდა
საქართველოს სტატისტიკის ეროვნულმა სამსახურმა ქვეყანაში ოქტომბრის ინფლაციის მაჩვენებელი გამოაქვეყნა
ქვეყანაში არსებული ინფლაცია ბავშვთა კვებასა და საბავშვო საფენების ღირებულებაზეც აისახა.
პანდემიამდელ პერიოდთან შედარებით, "პამპერსის" ფასი დაახლოებით 50%-ით არის მომატებული.
გთავაზობთ ერთ-ერთი სააფთიაქო ქსელის ფასების შედარებას:
2020 წლის დასაწყისში 5 ზომა 54 ცალიანი შეფუთვა 26.95 ლარი ღირდა, იგივე ზომის 60 ცალიანი შეფუთვა კი დღეს 60 ლარი ღირს.
6 ზომა 48 ცალიანი შეფუთვა 26.95 ლ ღირდა, როდესაც დღეს დაახლოებით იმავე ფასად, კერძოდ 33 ლარად, 25 ცალიანი შეფუთვის შეძენაა შესაძლებელი.
"პამპერსის" N1 ზომა 27 ცალიანი შეფუთვა 10.23 ლ ღირდა, დღეს კი იგივე ზომის 20 ცალიანი შეფუთვა 12 ლარი ღირს.
