"მივმართავ ბიძინა ივანიშვილს კვლავ, ვითარება არის უკიდურესად მძიმე, მოსალოდნელია კოლაფსი" - ნიკა გვარამია
"მთავარი არხის" დირექტორმა და მიხეილ სააკაშვილის ადვოკატმა, ნიკა გვარამიამ ექსპრეზიდენტი მონახულა და განცხადა:
"მივმართავ ბიძინა ივანიშვილს კვლავ, ვითარება არის უკიდურესად მძიმე, მოსალოდნელია კოლაფსი, როგორც თვითონ მითხრა სააკაშვილმა, მისი შეგრძნებით ძალიან ცოტა დრო დარჩა აქამდე.
კიდევ ერთხელ ვამბობ, არც მე ვარ ექიმი და არც ის , მე ვამბობ იმას, რასაც ვხედავ და რასაც მეუბნება პატიმარი. ის არ გრძნობს თავს კარგად და ელოდება კოლაფსს" - ამბობს ნიკა გვარამია.
