"პატიმრობაში მყოფი დამნაშავის გადასაწყვეტია სად უნდა მოიხადოს სასჯელი?..." - ხათუნა ხოფერია სააკაშვილზე
ყოფილი პარლამენტარი, ხათუნა ხოფერია საქართველოს მესამე პრეზიდენტის რუსთავის მე-12 სასჯელაღსრულების დაწესებულებიდან გლდანის ციხის სამედიცინო დაწესებულებაში გადაყვანას, სოციალურ ქსელში ეხმაურება:
"პატიმრობაში მყოფი დამნაშავის გადასაწყვეტია სად უნდა მოიხადოს სასჯელი?...
ანუ, რას ნიშნავს - მისი ნების საწინააღმდეგოდ გადაყვანა?", - წერს ხათუნა ხოფერია ფეისბუქზე.
საქართველოს მესამე პრეზიდენტი რუსთავის მე-12 სასჯელაღსრულების დაწესებულებიდან გლდანის ციხის საავადმყოფოში გადაიყვანეს. ეს ღონისძიება, მესამე პრეზიდენტის ნების წინააღმდეგ განხორციელდა.
მიხეილ სააკაშვილი თბილისში პირველ ოქტომბერს დააკავეს. ის დაკავების დღიდან შიმშილობს.