მწერალი ტორესა მოსი გაათავისუფლეს
პარტია "გირჩი - მეტი თავისუფლების" წევრი, მწერალი ტორესა მოსი (ვახტანგ მოსიაშვილი) გაათავისუფლეს. სასამართლო პროცესი თელავის რაიონულ სასამართლოში გაიმართა.
მოსამართლემ ტორესა მოსი დაკავებული ადმინისტრაციული პასუხისმგებლობისაგან გაათავისუფლა.
შეგახსენებთ, რომ მწერალი სამართალდამცავებმა ორი დღის წინ იმ დროს დააკავეს, როცა ის თელავში, სუს-ის ადმინისტრაციის შენობასთან საკუთარი ავტომობილით მივიდა და შესასვლელის ბლოკირება სცადა. მას ადმინისტრაციული სამართალდარღვევის ფაქტზე პოლიციელის კანონიერი მოთხოვნისადმი დაუმორჩილებლობას ედავებოდნენ.
