საწვავზე ფასის ზრდის შესაჩერებლად სტრატეგიული რეზერვი გაიხსნა
პრეზიდენტ ჯო ბაიდენმა, საწვავზე ფასების ზრდის შეკავების მიზნით, აშშ-ს ნავთობის სტრატეგიული რეზერვის გახსნა გადაწყვიტა.
„პრეზიდენტი აცხადებს, რომ ამერიკელებისთვის ფასების შესამცირებლად, ასევე, პანდემიის შედეგად მოთხოვნასა და მიწოდებას შორის შეუსაბამობის მოსაგვარებლად, ენერგეტიკის დეპარტამენტი სტრატეგიული რეზერვიდან 50 მილიონ ბარელ ნავთობს გამოყოფს,“ - ნათქვამია "თეთრი სახლის" მიერ გავრცელებულ განცხადებაში.
თეთრი სახლის განცხადებაში ნათქვამია, რომ ბოლო კვირებში, როგორც კი აშშ-ის ადმინისტრაციის ამ გეგმების შესახებ გახდა ცნობილი, ნავთობის ფასი 10%-ით დაეცა.
