იზოლატორში დაკავებული გარდაიცვალა - შემთხვევა გურჯაანში
დროებითი მოთავსების იზოლატორში მყოფი დაკვებული მამაკაცი სასამართლო პროცესის დაწყებამდე გარდაიცვალა. "მთავარი არსის" ინფორმაციით, შემთხვევა გურჯაანში, 3 დეკემბერს მოხდა.
არსებული ინფორმაციით, 41 წლის კაცს ეპილეფსიური შეტევა დაემართა და ექიმებმა მისი გადარჩენა ვეღარ შეძლეს.
სამართალდამცველებმა ის ოჯახური ძალადობის ბრალდებით დააკავეს. საქმეს სახელმწიფო ინსპექტორის აპარატი იძიებს.
