"გვჯეროდა, რაც იმ დღეს მოხდებოდა, მთელი წელი გაგვყვებოდა" - ნათია ფანჯიკიძე ბარბარობაზე
ფსიქოლოგი, ნათია ფანჯიკიძე ბარბარობის დღესასწაულზე წერს:
"მიყვარხარ - ასე დავიწყებ ამ დილას, იმიტომ, რომ ამ სიტყვის თქმა მინდა დამებედოს. ბარბარობა ჩემთვის ბავშვობის ის დღესასწაულია, რომ გვჯეროდა, რაც იმ დღეს მოხდებოდა, მთელი წელი გაგვყვებოდა, ხოდა კარგი რამის მოხდენას ვცდილობდით ამიტომ და ვრწმუნდებოდით, რომ დღის სცენარის ავტორობა დიდწილად ჩვენ ხელში იყო. ეს რწმენა უფრო ძვირფასია ჩემთვის, ვიდრე ერთით მეტი წმინდანის მფარველობის რწმენა, წმინდანების მეტი რა არის, ვინც ჩვენზე ზრუნავს. საკუთარ თავზე, საკუთარ დღეზე, საკუთარ სურვილებზე ზრუნვის დაგეგმვა რომ დაგვასწავლა, ამითაა გამორჩეული ეს დღე და რათქმაუნდა, ლობიანებით. გაგიმარჯოთ ხოდა", - წერს ფანჯიკიძე.
